Symbolum Apostolorum

Credo in Deum Patrem omnipotentem, Creatorem caeli et terrae.

Et in Iesum Christum, Filium eius unicum, Dominum nostrum, qui conceptus est de Spiritu Sancto,

natus ex Maria Virgine, passus sub Pontio Pilato, crucifixus, mortuus, et sepultus,

descendit ad infernos, tertia die resurrexit a mortuis, ascendit ad caelos,

sedet ad dexteram Dei Patris omnipotentis, inde venturus est iudicare vivos et mortuos. Credo in Spiritum Sanctum,

sanctam Ecclesiam catholicam, sanctorum communionem, remissionem peccatorum, carnis resurrectionem et vitam aeternam. Amen

Pater Noster


Pater noster, qui es in caelis: sanctificetur nomen tuum;

adveniat regnum tuum; fiat voluntas tua, sicut in caelo et in terra.

Panem nostrum quotidianum da nobis hodie; et dimitte nobis debita nostra,

sicut et nos dimittimus debitoribus nostris; et ne nos inducas in tentationem, sed libera nos a malo. Amen.

Gloria Patri

Gloria Patri, et Filio, et Spiritui Sancto.

 Sicut erat in principio, et nunc, et semper,

et in saecula saeculorum. Amen.

(Symbolum Apostolorum, Pater Noster, 3 Ave Maria (Adaugeat Dominus in nobis fidem, corroboret in nobis spem, perficiat in nobis caritatem), Gloria Patri.
aut
Deus, in adiutorium meum intende. Domine, ad adiuvandum me festina. Gloria Patri.)

Ave Maria, gratia plena, Dominus tecum;

benedicta tu in mulieribus, et benedictus fructus ventris tui, Iesus.

Sancta Maria, Mater Dei, ora pro nobis peccatoribus, nunc et in hora mortis nostrae. Amen.

Primum Mysterium Gaudii. Annuntiatio.


(In mense autem sexto missus est angelus Gabriel a Deo in civitatem Galilaeae, cui nomen Nazareth, ad virginem desponsatam viro, cui nomen erat Ioseph de domo David, et nomen virginis Maria. Et ingressus ad eam dixit: "Ave, gratia plena, Dominus tecum". Ipsa autem turbata est in sermone eius et cogitabat qualis esset ista salutatio. Et ait angelus ei: "Ne timeas, Maria; invenisti enim gratiam apud Deum. Et ecce concipies in utero et paries filium, et vocabis nomen eius Iesum. Hic erit magnus et Filius Altissimi vocabitur, et dabit illi Dominus Deus sedem David patris eius, et regnabit super domum Iacob in aeternum, et regni eius non erit finis". Dixit autem Maria ad angelum: "Quomodo fiet istud, quoniam virum non cognosco?". Et respondens angelus dixit ei: "Spiritus Sanctus superveniet in te, et virtus Altissimi obumbrabit tibi: ideoque et quod nascetur sanctum, vocabitur Filius Dei. Et ecce Elisabeth cognata tua et ipsa concepit filium in senecta sua, et hic mensis est sextus illi, quae vocatur sterilis, quia non erit impossibile apud Deum omne verbum". Dixit autem Maria: "Ecce ancilla Domini; fiat mihi secundum verbum tuum". Et discessit ab illa angelus.)
(Lc 1,26-38)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Secundum Mysterium Gaudii. Visitatio.


(Exsurgens autem Maria in diebus illis abiit in montana cum festinatione in civitatem Iudae et intravit in domum Zachariae et salutavit Elisabeth. Et factum est ut audivit salutationem Mariae Elisabeth, exsultavit infans in utero eius, et repleta est Spiritu Sancto Elisabeth et exclamavit voce magna et dixit: "Benedicta tu inter mulieres, et benedictus fructus ventris tui. Et unde hoc mihi, ut veniat mater Domini mei ad me? Ecce enim ut facta est vox salutationis tuae in auribus meis, exsultavit in gaudio infans in utero meo. Et beata, quae credidit, quoniam perficientur ea, quae dicta sunt ei a Domino".)
(Lc 1,39-45)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Tertium Mysterium Gaudii. Nativitas Domini nostri Iesu Christi.


(Factum est autem in diebus illis exiit edictum a Caesare Augusto, ut describeretur universus orbis. Haec descriptio prima facta est praeside Syriae Quirino. Et ibant omnes, ut profiterentur, singuli in suam civitatem. Ascendit autem et Ioseph a Galilaea de civitate Nazareth in Iudaeam in civitatem David, quae vocatur Bethlehem, eo quod esset de domo et familia David, ut profiteretur cum Maria desponsata sibi, uxore praegnante. Factum est autem cum essent ibi, impleti sunt dies, ut pareret, et peperit filium suum primogenitum; et pannis eum involvit et reclinavit eum in praesepio, quia non erat eis locus in deversorio.)
(Lc 2,1-7)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Quartum Mysterium Gaudii. Praesentatio.


(Et postquam impleti sunt dies purgationis eorum secundum legem Moysis, tulerunt illum in Hierosolymam, ut sisterent Domino, sicut scriptum est in lege Domini: "Omne masculinum adaperiens vulvam sanctum Domino vocabitur", et ut darent hostiam secundum quod dictum est in lege Domini: par turturum aut duos pullos columbarum.)
(Lc 2,22-24)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Quintum Mysterium Gaudii. Inventio in Templo.


(Et ibant parentes eius per omnes annos in Ierusalem in die festo Paschae. Et cum factus esset annorum duodecim, ascendentibus illis secundum consuetudinem diei festi, consummatisque diebus, cum redirent, remansit puer Iesus in Ierusalem, et non cognoverunt parentes eius. Existimantes autem illum esse in comitatu, venerunt iter diei et requirebant eum inter cognatos et notos et non invenientes regressi sunt in Ierusalem requirentes eum. Et factum est post triduum invenerunt illum in templo sedentem in medio doctorum, audientem illos et interrogantem eos; stupebant autem omnes, qui eum audiebant, super prudentia et responsis eius. Et videntes eum admirati sunt, et dixit Mater eius ad illum: "Fili, quid fecisti nobis sic? Ecce pater tuus et ego dolentes quaerebamus te". Et ait ad illos: "Quid est quod me quaerebatis? Nesciebatis quia in his, quae Patris mei sunt, oportet me esse?". Et ipsi non intellexerunt verbum, quod locutus est ad illos.)
(Lc 2,41-50)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Primum Mysterium Lucis. Baptisma Domini nostri Iesu Christi.


(Tunc venit Iesus a Galilaea in Iordanem ad Ioannem, ut baptizaretur ab eo. Ioannes autem prohibebat eum dicens: "Ego a te debeo baptizari, et tu venis ad me?". Respondens autem Iesus dixit ei: "Sine modo, sic enim decet nos implere omnem iustitiam". Tunc dimittit eum. Baptizatus autem Iesus, confestim ascendit de aqua; et ecce aperti sunt ei caeli, et vidit Spiritum Dei descendentem sicut columbam et venientem super se. Et ecce vox de caelis dicens: "Hic est Filius meus dilectus, in quo mihi complacui".)
(Mt 3,13-17)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Secundum Mysterium Lucis. Nuptiae Canenses.


(Et die tertio nuptiae factae sunt in Cana Galilaeae, et erat mater Iesu ibi; vocatus est autem et Iesus et discipuli eius ad nuptias. Et deficiente vino, dicit mater Iesu ad eum: "Vinum non habent". Et dicit ei Iesus: "Quid mihi et tibi, mulier? Nondum venit hora mea". Dicit mater eius ministris: "Quodcumque dixerit vobis, facite". Erant autem ibi lapideae hydriae sex positae secundum purificationem Iudaeorum, capientes singulae metretas binas vel ternas. Dicit eis Iesus: "Implete hydrias aqua". Et impleverunt eas usque ad summum. Et dicit eis: "Haurite nunc et ferte architriclino". Illi autem tulerunt. Ut autem gustavit architriclinus aquam vinum factam et non sciebat unde esset, ministri autem sciebant, qui haurierant aquam, vocat sponsum architriclinus et dicit ei: "Omnis homo primum bonum vinum ponit et, cum inebriati fuerint, id quod deterius est; tu servasti bonum vinum usque adhuc". Hoc fecit initium signorum Iesus in Cana Galilaeae et manifestavit gloriam suam, et crediderunt in eum discipuli eius.)
(Io 2,1-11)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Tertium Mysterium Lucis. Proclamatio Regni Dei.


(Postquam autem traditus est Ioannes, venit Iesus in Galilaeam praedicans evangelium Dei et dicens: "Impletum est tempus, et appropinquavit regnum Dei; paenitemini et credite evangelio".)
(Mc 1,14-15)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Quartum Mysterium Lucis. Transfiguratio.


(Factum est autem post haec verba fere dies octo, et assumpsit Petrum et Ioannem et Iacobum et ascendit in montem, ut oraret. Et facta est, dum oraret, species vultus eius altera, et vestitus eius albus, refulgens. Et ecce duo viri loquebantur cum illo, et erant Moyses et Elias, qui visi in gloria dicebant exodum eius, quem completurus erat in Ierusalem. Petrus vero et qui cum illo gravati erant somno; et evigilantes viderunt gloriam eius et duos viros, qui stabant cum illo. Et factum est cum discederent ab illo, ait Petrus ad Iesum: "Praeceptor, bonum est nos hic esse; et faciamus tria tabernacula: unum tibi et unum Moysi et unum Eliae", nesciens quid diceret. Haec autem illo loquente, facta est nubes et obumbravit eos; et timuerunt intrantibus illis in nubem. Et vox facta est de nube dicens: "Hic est Filius meus electus; ipsum audite".)
(Lc 9,28-35)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Quintum Mysterium Lucis. Institutio Eucharistiae.


(Et manducantibus illis, accepit panem et benedicens fregit et dedit eis et ait: "Sumite: hoc est corpus meum". Et accepto calice, gratias agens dedit eis, et biberunt ex illo omnes. Et ait illis: "Hic est sanguis meus novi testamenti, qui pro multis effunditur".)
(Mc 14,22-24)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Primum Mysterium Doloris. Agonia in Horto.


(Et egressus ibat secundum consuetudinem in montem Olivarum; secuti sunt autem illum et discipuli. Et cum pervenisset ad locum, dixit illis: "Orate, ne intretis in tentationem". Et ipse avulsus est ab eis, quantum iactus est lapidis, et, positis genibus, orabat dicens: "Pater, si vis, transfer calicem istum a me; verumtamen non mea voluntas sed tua fiat". Apparuit autem illi angelus de caelo confortans eum. Et factus in agonia prolixius orabat. Et factus est sudor eius sicut guttae sanguinis decurrentis in terram.)
(Lc 22,39-44)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Secundum Mysterium Doloris. Flagellatio.


(Tunc ergo apprehendit Pilatus Iesum et flagellavit.)
(Io 19,1)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Tertium Mysterium Doloris. Coronatio Spinis.


(Et milites, plectentes coronam de spinis, imposuerunt capiti eius et veste purpurea circumdederunt eum; et veniebant ad eum et dicebant: "Ave, rex Iudaeorum!", et dabant ei alapas.)
(Io 19,2-3)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Quartum Mysterium Doloris. Baiulatio Crucis.


(Susceperunt ergo Iesum. Et baiulans sibi crucem exivit in eum, qui dicitur Calvariae locum, quod Hebraice dicitur Golgotha, ubi eum crucifixerunt.)
(Io 19,16-18)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Quintum Mysterium Doloris. Crucifixio et Mors.


(Post hoc sciens Iesus quia iam omnia consummata sunt, ut consummaretur Scriptura, dicit: "Sitio". Vas positum erat aceto plenum; spongiam ergo plenam aceto hyssopo circumponentes, obtulerunt ori eius. Cum ergo accepisset acetum, Iesus dixit: "Consummatum est!". Et inclinato capite tradidit spiritum.)
(Io 19,28-30)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Primum Mysterium Gloriae. Resurrectio.


(Sero autem post sabbatum, cum illucesceret in primam sabbati, venit Maria Magdalene et altera Maria videre sepulcrum. Et ecce terrae motus factus est magnus: angelus enim Domini descendit de caelo et accedens revolvit lapidem et sedebat super eum. Erat autem aspectus eius sicut fulgur, et vestimentum eius candidum sicut nix. Prae timore autem eius exterriti sunt custodes et facti sunt velut mortui. Respondens autem angelus dixit mulieribus: "Nolite timere vos! Scio enim quod Iesum, qui crucifixus est, quaeritis. Non est hic: surrexit enim, sicut dixit. Venite, videte locum, ubi positus erat. Et cito euntes dicite discipulis eius: "Surrexit a mortuis et ecce praecedit vos in Galilaeam; ibi eum videbitis". Ecce dixi vobis".)
(Mt 28,1-7)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Secundum Mysterium Gloriae. Ascensio.


(Et cum haec dixisset, videntibus illis, elevatus est, et nubes suscepit eum ab oculis eorum. Cumque intuerentur in caelum eunte illo, ecce duo viri astiterunt iuxta illos in vestibus albis, qui et dixerunt: "Viri Galilaei, quid statis aspicientes in caelum? Hic Iesus, qui assumptus est a vobis in caelum, sic veniet quemadmodum vidistis eum euntem in caelum".)
(Act 1,9-11)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Tertium Mysterium Gloriae. Descensus Spiritus Sancti.


(Et cum compleretur dies Pentecostes, erant omnes pariter in eodem loco. Et factus est repente de caelo sonus tamquam advenientis spiritus vehementis et replevit totam domum, ubi erant sedentes. Et apparuerunt illis dispertitae linguae tamquam ignis, seditque supra singulos eorum; et repleti sunt omnes Spiritu Sancto et coeperunt loqui aliis linguis, prout Spiritus dabat eloqui illis.)
(Act 2,1-4)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Quartum Mysterium Gloriae. Assumptio Beatae Mariae Virginis.


(Ecce enim ex hoc beatam me dicent omnes generationes, quia fecit mihi magna, qui potens est.)
(Lc 1,48-49)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent. Quintum Mysterium Gloriae. Coronatio Beatae Mariae Virginis.


(Et signum magnum apparuit in caelo: mulier amicta sole, et luna sub pedibus eius, et super caput eius corona stellarum duodecim.)
(Apc 12,1)

Brevis mora cogitationis.

Pater Noster, 10 Ave Maria (mysterium meditantes), Gloria Patri.

Domine Iesu, dimitte nobis debita nostra, salva nos ab igne inferiori, perduc in caelum omnes animas, praesertim eas, quae misericordiae tuae maxime indigent.

Pater Noster, Ave Maria, Gloria Patri secundum Pontificis mentem.

Salve Regina.
Salve, Regina, Mater misericordiae,
vita, dulcedo, et spes nostra, salve.
Ad te clamamus, exsules filii Evae,
ad te suspiramus, gementes et flentes
in hac lacrimarum valle.
Eia ergo, advocata nostra, illos tuos
misericordes oculos ad nos converte.
Et Iesum, benedictum fructum ventris tui,
nobis, post hoc exilium, ostende.
O clemens, O pia, O dulcis Virgo Maria.

Ora pro nobis sancta Dei Genetrix.
Ut digni efficiamur promissionibus Christi.


Kýrie, eléison.
Kýrie, eléison.
Christe, eléison.
Christe, eléison.
Kýrie, eléison.
Kýrie, eléison.

Christe, audi nos.
Christe, audi nos.
Christe, exáudi nos.
Christe, exáudi nos.

Pater de cáelis, Deus,
miserére nobis.
Fili, redémptor mundi, Deus,
miserére nobis.
Spíritus Sancte, Deus,
miserére nobis.
Sancta Trínitas, unus Deus,
miserére nobis.

Sancta María,
ora pro nobis.
Sancta Dei génetrix,
ora pro nobis.
Sancta Virgo vírginum,
ora pro nobis.

Mater Christi,
ora pro nobis.
Mater Ecclésiae,
ora pro nobis.
Mater divínae grátiae,
ora pro nobis.
Mater puríssima,
ora pro nobis.
Mater castíssima,
ora pro nobis.
Mater invioláta,
ora pro nobis.
Mater intemeráta,
ora pro nobis.
Mater amábilis,
ora pro nobis.
Mater admirábilis,
ora pro nobis.
Mater boni consílii,
ora pro nobis.
Mater Creatóris,
ora pro nobis.
Mater Salvatóris,
ora pro nobis.
Mater misericórdiae,
ora pro nobis.

Virgo prudentíssima,
ora pro nobis.
Virgo veneránda,
ora pro nobis.
Virgo praedicánda,
ora pro nobis.
Virgo potens,
ora pro nobis.
Virgo clemens,
ora pro nobis.
Virgo fidélis,
ora pro nobis.

Spéculum iustítiae,
ora pro nobis.
Sedes sapiéntiae,
ora pro nobis.
Cáusa nóstrae laetítiae,
ora pro nobis.
Vas spirituále,
ora pro nobis.
Vas honorábile,
ora pro nobis.
Vas insígne devotiónis,
ora pro nobis.
Rosa mýstica,
ora pro nobis.
Turris Davídica,
ora pro nobis.
Turris ebúrnea,
ora pro nobis.
Domus áurea,
ora pro nobis.
Fóederis arca,
ora pro nobis.
Iánua cáeli,
ora pro nobis.
Stella matutína,
ora pro nobis.

Salus infirmórum,
ora pro nobis.
Refúgium peccatórum,
ora pro nobis.
Consolátrix afflictórum,
ora pro nobis.
Auxílium christianórum,
ora pro nobis.

Regína angelórum,
ora pro nobis.
Regína patriarchárum,
ora pro nobis.
Regína prophetárum,
ora pro nobis.
Regína apostolórum,
ora pro nobis.
Regína mártyrum,
ora pro nobis.
Regína confessórum,
ora pro nobis.
Regína vírginum,
ora pro nobis.
Regína sanctórum ómnium,
ora pro nobis.

Regína sine labe origináli concépta,
ora pro nobis.
Regína in cáelum assúmpta,
ora pro nobis.
Regína sacratíssimi rosárii,
ora pro nobis.
Regína pacis,
ora pro nobis.

Agnus Dei, qui tollis peccáta mundi,
parce nobis, Dómine.
Agnus Dei, qui tollis peccáta mundi,
exáudi nos, Dómine.
Agnus Dei, qui tollis peccáta mundi,
miserére nobis.



Ora pro nobis, sancta Dei génetrix,
ut digni efficiámur promissiónibus Christi.

Orémus.
Concéde nos fámulos tuos, quáesumus, Dómine Deus,
perpétua mentis et córporis sanitáte gaudére,
et, gloriósa beátae Maríae semper vírginis intercessióne,
a praesénti liberári tristítia
et aetérna pérfrui laetítia.
Per Christum Dóminum nostrum.
Amen.
In nomine Patris, et Filii, et Spiritus Sancti. Amen.